Արմավիրի երեխաների աջակցության «Արևածագ» կենտրոն
«Արմավիրի զարգացման կենտրոն» հասարակական կազմակերպությունը /«ԱԶԿ» ՀԿ/ Սեյվ դը չիլդրեն միջազգային կազմակերպության ֆինանսավորմամբ 2016-2018թթ-ին իրականացրել է «Համայնքահեն ծառայություններ հաշմանդամություն ունեցող երեխաների համար» ծրագիրը, որի շրջանակներում Արմավիրում հիմնվել է երեխաների աջակցության «Արևածագ» կենտրոնը: Արմավիրի մարզի հաշմանդամություն ունեցող շուրջ 150 երեխա ծրագրի շրջանակներում «Արևածագ» կենտրոնում ստանում են սոցիալական և վերականգնողական ծառայություններ: Ծրագրի շրջանակներում նախատեսվում էր նաև շարժական ծառայությունների մատուցում Արարատի մարզում, որտեղ նույնպես բացակայում էին նմանատիպ ծառայությունները։
Համագործակցություն նորարարական ձեռնարկատիրական կրթության համար
«Համագործակցություն նորարարական ձեռնարկատիրական կրթության համար» երկամյա ծրագիրը իրականացվում է Էրազմուս+ ծրագրի 2-րդ հիմնական գործողության շրջանակներում Վրաստանի, Էստոնիայի և Իտալիայի երիտասարդական կազմակերպությունների հետ համատեղ։ Ծրագրի նպատակն է զարգացնել կոնսորցիումի անդամ կազմակերպությունների կարողությունները երիտասարդական աշխատանքում նորարարական ձեռնարկատիրական կրթությունը խթանելու համար, որը կնպաստի երիտասարդների անհատական զարգացմանը ձեռնարկատիրական և զբաղվածության ոլորտներում։
Հանրային մասնակցություն տեղական ինքնակառավարմանը (ՀաՄաՏեղ)
Հանրային մասնակցություն տեղական ինքնակառավարմանը (ՀաՄաՏեղ) ծրագրի նպատակն է բարձրացնել հանրային ներգրավվածությունը ապակենտրոնացման և տեղական ինքնակառավարման բարեփոխումների գործընթացում: Ծրագիրը քաղաքացիներին տրամադրում է վստահելի տեղեկատվություն և հզորացնում է քաղաքացիական հասարակությանը` արդյունավետ, հաշվետու և մասնակցային տեղական ինքնակառավարում խթանելու նպատակով:
Մեդիան քաղաքացիների տեղեկացված մասնակցության համար
«Մեդիան քաղաքացիների տեղեկացված մասնակցության համար» ծրագիրը քաղաքացիների համար ավելի հասանելի է դարձնում հասարակության վրա ազդող բարեփոխումների ևժողովրդավարական արժեքներին առնչվող հարցերի մասին անկախ և վստահելիտեղեկատվությունը:
Տարեցների և հաշմանդամություն ունեցող անձանց տնային պայմաններում խնամքի ծառայություններ
Ծրագիրն իրականացնում է «Արմավիրի զարգացման կենտրոն» հասարակական կազմակերպությունը ՀՀ աշխատանքի և սոցիալական հարցերի նախարարության ֆինանսավորմամբ։ Մատուցվում են հետևյալ ծառայությունները. ➤Կենցաղային սպասարկում, ➤Բժշկական օգնություն և սպասարկում, ➤Սոցիալական խորհրդատվության տրամադրում, ➤Հոգեբանական օգնության տրամադրում, ➤Մշակութային միջոցառումների և էքսկուրսիաների կազմակերպում, ➤Ուղեկցման ծառայություններ:
Արմավիրի զարգացման կենտրոն
Մենք գտնվում ենք Արմավիր քաղաքում, Շահումյան 68 Ա հասցեում։
.jpg)
